USTAZ PRO Командасы
Ержан Аубакиров
«Білім-Инновация» халықаралық қорының бірінші вице-президенті
Орта білім беру ұйымдарында 20 жылдан астам еңбек еткен педагог-зерттеуші. Әр жылдары «Білім-Инновация» мектептерінде, сонымен қатар NURORDA халықаралық мектебінде басшылық қызмет атқарған. Ержан Аубакиров PBL (Project-based learning) әдістемесі мен үздіксіз оқу (Life Long Learning) негізінде мұғалімдерді оқытып, біліктігін арттыруды ұйымдастыру саласының маманы. 2015 жылдан бері USTAZ PRO және Quundylyq білім беру орталықтарына арналған мұғалімдерді оқыту бағдарламаларын әзірлеуге қатысады.
Рамиль Кабдуалиев
USTAZ PRO бас директоры
Ағылшын тілі мұғалімі, Қазақстан-Американдық еркін университетінің магистрі. Әр жылдары мектепке дейінгі, орта және жоғары білім беру ұйымдарында қызмет еткен. Ағылшын тілін оқыту және әдістемесі, пәндердің жалпы әдістемесі бойынша 15-тен астам әртүрлі бағдарлама мен мектеп басшыларына арналған курстардың авторы.
Ustaz PRO орталығындағы қызметі аясында Рамиль Кабдуалиев Қазақстан, Африка, Татарстан мен Үндістан мұғалімдеріне арналған тренингтер өткізді. 2015-2020 жылдары АҚШ-тағы Көшбасшылық қызмет академиясында білім алып, тәлімгерлік курсын тәмамдады. 2019 жылы көшбасшылық қызмет бойынша Украина мен АҚШ-та тағылымдамадан өтті. 2023 жылы Испанияның Барселона қаласында орналасқан Europass Academу-де әлеуметтік-эмоциялық оқытуды ұйымдастыру бойынша курстарға қатысты.
Ustaz PRO орталығындағы қызметі аясында Рамиль Кабдуалиев Қазақстан, Африка, Татарстан мен Үндістан мұғалімдеріне арналған тренингтер өткізді. 2015-2020 жылдары АҚШ-тағы Көшбасшылық қызмет академиясында білім алып, тәлімгерлік курсын тәмамдады. 2019 жылы көшбасшылық қызмет бойынша Украина мен АҚШ-та тағылымдамадан өтті. 2023 жылы Испанияның Барселона қаласында орналасқан Europass Academу-де әлеуметтік-эмоциялық оқытуды ұйымдастыру бойынша курстарға қатысты.
Нұрзат Әбілда
USTAZ PRO академиялық директоры
Назарбаев Университетінің "Білім берудегі көшбасшылық" бағдарламасы бойынша магистранты (MSc in Educational Leadership). "Білім-Инновация" лицейінде мұғалім және директордың орынбасары ретінде жұмыс тәжірибесі бар Нұрзат химия мұғалімдеріне арналған кәсіби даму бағдарламасының авторы болып табылады. Ол Алматы облысы, қостанай және Жаңаөзен қалаларында мұғалімдерге арналған кәсіби даму курстарын өткізіп, жүзден астам педагогты оқытты. Жалпы білім беретін мектептерге "Білім-Инновация" лицейлерінің тәжірибесін енгізу жобасында Нұрзат мұғалімдерге кері байланыс беріп, олардың сабақтарына қатысып, шеберлік сыныптарын ұйымдастыра отырып, тәлімгер рөлін атқарды. Оның тәлімгерлігімен 30-ға жуық мұғалім оқытылды, бұл олардың кәсіби өсуіне ықпал етті.
Нұрлан Иманғалиев
USTAZ PRO зерттеулер басшысы
Ағылшын тілі мұғалімі, педагогика оқытушысы, білім беру саласын зерттеуші. Білім берудегі көшбасшылық бойынша магистр дәрежесіне ие, орта білім беру саласында 20 жылдық тәжірибесі бар. 2012 жылы Нұрлан Иманғалиев Қазақстанда алғаш болып Apple Distinguished Educator мәртебесін иеленген оқытушы-тренер атанған болатын. Сонымен қатар ол мұғалімдерге арналған бірқатар білім беру бағдарламаларының жеке және бірлескен авторы. Нұрлан мектептер мен басқа да оқу орындары басшылығына мұғалімдердің біліктігін арттыру бойынша кеңес береді. 2015 жылы Нұрлан USTAZ PRO кәсіптік оқыту орталығын ашуға ат салысқандардың қатарында болды.
Жұлдыз Саламатова
USTAZ PRO тренер-оқытушысы
Назарбаев Университетінде көптілді білім беру (Master in Multilingual Education) саласы бойынша магистр дәрежесін алған. Барселонада орналасқан Europass academy-де Social and emotional learning бойынша білімін жетілдірген. Білім беру саласында, әлеуметтік жобаларды жүзеге асыруда және мұғалімдерге арналған курстар дайындауда сегіз жылдан астам тәжірибесі бар. Назарбаев Университетінде қарасты National Volunteer Network-та ғылыми қызметкер ретінде зерттеу жүргізіп, сапалы мәліметтерді (qualitative data) жинап, талдаумен айналысқан. Қазіргі таңда Ustaz PRO орталығында педагогикалық дизайнер және тренер болып жұмыс істейді. Қазақстанның түкпір-түкпірінен келген мұғалімдерге арнап тренингтер мен семинарлар өткізеді.
Алтын Аманова
USTAZ PRO тренер-оқытушысы
Семей педагогикалық институтынын «Бастауышта оқыту педагогикасы мен әдістемесі» мамандығы бойынша тәмамдаған. 20 жылдан астам тәжірибесі бар педагог-зерттеуші. «Білім-Инновация» халықаралық қоғамдық қоры ұйымдастырған Республикалық ашық бейнесабақтар байқауының жеңімпазы. Қазақстан Республикасы Педагогтар қауымдастығының шешімімен білім саласына қосқан елеулі үлесі үшін «Үздік педагог» төсбелгісімен марапатталған. USTAZ PRO-да бастауыш сынып мұғалімдеріне арналған курсты жүргізеді.
Алина Аманкеш
USTAZ PRO тренер-оқытушысы
Инновациялық Еуразия университетінің түлегі. Әр жылдары Петропавл, Тараз, Павлодар қалаларындағы мектептерде мұғалім, директордың орынбасары қызметтерін атқарды. Сегіз жылдан астам тәжірибесі бар педагог-зерттеуші. География ғылымдарының магистрі. USTAZ PRO-да мұғалімдерге арналған тренингтер мен семинарларды өткізеді.
Ашық оферта келісім шарты
Құпиялық саясаты
info@ustaz.pro
Астана, Рақымжан Қошқарбаев, 11/2
Астана, Рақымжан Қошқарбаев, 11/2