ҚАЗ

Дарынды балаларға арналған BIL, Шымкент қаласы

«Ағылшын тілін оқыту әдістемесі жайлы курсқа қатысты өз пікірімді білдіргім келеді. Мазмұны керемет: оқу мақсаттарын қоюдан бастап сабақтарды талдауға дейін толықтай қамтылған. Оқыту машықтарымды шыңдап, әріптестер мен тренерден бірден фидбэк алудың тамаша мүмкіндігі болды. Трендтегі ең-ең дейтін әдіс-тәсілдерді меңгеріп, ағылшын тілімізді дамыттық, кәсіби базамызды жаңарттық. Атмосфера да өте жағымды болды: жаттықтырушы мен әріптестер курстың барлық кезеңінде позитивті көңіл-күй сыйлай білді. Жастармен бір бағытта келе жатқанымды сезініп, өзіме де көңілім толды . Егер сізде осы курсқа қатысу мүмкіндігі болса – go for it!».

Сәуле Қуатова

«Мен оқыту әдістемесі бойынша көптеген курстардан өттім, бірақ сіздер ұсынған курс ең жүйелі екеніне көзім жетті. Курстың бағдарламасы көңілге қонымды: оқу барысы әдістеменің негізгі ұғымдарынан басталып, одан соң әр машық егжей-тегжейлі қарастырылды. Теориялық бөлімнен кейін бірден кері байланысы бар практика өтті, сол арқылы барлық әдістерді оқу процесінде қолдануға мүмкіндік алдық. Курстан кейін мұғалімдер сабақты әдістемелік тұрғыда қалай дұрыс жоспарлау керегін және практикада оқу процесін жақсарту үшін қандай әдістерді қолдану қажет екенін нақты түсінеді. Курс ұқсас тақырыптарды қарастыратын CELTA Cambridge-ден еш кем түспейді. Аудандардағы барлық мұғалім осы курстан өтсе тамаша болар еді».

Astana Garden School мұғалімі

Малика Хамзинова

БИЛ мұғалімі, Петропавл

«Ағылшын тілі мұғалімдерінің біліктігін арттыру курсы кәсіби дамуыма зор мүмкіндік берді: сабақтың мақсаттарын қалыптасырудан бастап, әр тапсырманы кезең-кезеңімен жоспарлауға дейін білімімді арттырдым. Курста ағылшын тілі сабағына қажет барлық машықтар мен жұмыс әдістері қамтылды, әсіресе коммуникативтік әдістеме ескерілді. Сонымен қатар курс тек жас мұғалімдерге емес, тәжірибелі мұғалімдер үшін де пайдалы болды. Курстағы атмосфера тәжірибе алмасуға қолайлы және жағымды болды, қолдауды сезіндім. Тренер мен әріптестер өз білгенін барынша бөлісіп, құнды кері байланыс берді. Мен бұл курсты бәріне ұсынамын. Мұғалімдер қауымдастығының дамуына бірге үлес қосайық!».

Шнар Токишева

InterPress International House мұғалімі, Астана

«USTAZ PRO курсы мен үшін нағыз жаңалық болды! Бірінші күннен бастап мені тренердің кәсібилігі мен шығармашыл тәсілі қатты таң қалдырды. Оқыту саласындағы заманауи әдістемелердің, инновациялық тәсілдер мен тиімді стратегиялардың кең ауқымын қамтығанына қайран қалдым. Ал ең бастысы – тренер бәрімізді шабыттандырып, шығармашыл мұғалімдер ортасын құра алды. Қысқа уақыт ішінде біз өз білімімізді жетілдіріп, оқытушылық машықтарымызды арттырып қана қоймай, көптеген жаңа жұмыс әдісін игере алдық. Бұл шынымен ерекше тәжірибе болды! Сонымен қатар бұл әдістер оқушылардың оқу материалын игеруін едәуір жақсартып, тілдік машықтарын икемді ете түсті. Сыныптағы тұлғааралық қарым-қатынасқа да оң әсер етіп, ұжымдардың бірігуіне ықпалын тигізді. Менің кәсіби машықтарымды дамытуға күшті серпін берген осындай жемісті оқу тәжірибесі үшін шын жүректен алғысымды білдіремін. Егер сіз біліміңізді халықаралық деңгейде жетілдіргіңіз келсе, бұл курстар ең жақсы таңдау болмақ».

Елена Боева

№91 мектеп-гимназиясы, Астана

«Ағылшын тілі мұғалімдерінің біліктігін арттыру курсы мен үшін трансформациялық сипатқа ие болды. Оқыту процесінде тәжірибеге негізделген тәсіл қолданылды: алынған білімді біз дереу микрооқыту (microteaching) түрінде практикада қолдандық. Мұғалімдермен кері байланыс материалды игеруге айтарлықтай ықпал етті. Курста ұсынылған әдістер толықтай зерттеулерге негізделген және әр тақырып келесі тақырыппен байланысып, ағылшын тілін оқытудың тиімді әдістері жан-жақты түсіндірілді. Курс маған Inductive Approach тәсілін түсінуге мүмкіндік берді, осылайша мен сабақты жоспарлау кезінде оқушылардың шоғырлануына ерекше назар аудара бастадым. Оқушылар сабақта осы әдісті қолдана отырып, өз бетінше жауап таба білді, ал мен фасилитатор ретінде әрекет еттім. Осындай керемет курс үшін тренерлерге алғыс айтқым келеді және әріптестеріме қатысуға кеңес беремін».

Фариза Әбдіқалық